“Тихий час” вакытында балалар бакчасына һөҗүм иткән

Ырынбур өлкәсенең Бугуруслан шәһәрендә балалар бакчасына  пычак белән коралланган ир-ат һөҗүм иткән. Аны 42 яшьлек тәрбияче Лия Галиева туктаткан. Лия Галиевага ярдәмгә килгән башка тәрбиячеләр ир-атны подвалга ябып куйган һәм полиция килгәнче чыгармаган.

Һөҗүм итүче – 25 яшьлек ир-ат.  Бик нык исерек ир полицейскийларга үзенең гамәлләрен аңлатырлык хәлдә  булмаган. Аңардан әле сорау алалмыйлар.

Тәрбияченең куллары киселгән, әмма аның гомеренә берни янамый. Балалар каза күрмәгән. 

Чыганак: SHOT Телеграм-каналы.