Мошенниклар кешеләрне капиталь ремонт темасы аша алдый башлаган

Мошенниклар русиялеләрнең Госуслуги порталындагы аккаунтларын яңа схема буенча, капиталь ремонт темасын кулланып, урлый башлаган.
РИА Новости агентлыгы мәгълүматы буенча, яңа закон буенча, идарәче компанияләрне йортларда яшәүчеләр белән аралашырга мәҗбүр итә башлаганнан соң, аферистлар власть вәкилләре булып кылана башлаган һәм күпфатирлы йортларда яшәүчеләргә ашыгыч рәвештә мәгълүматларның дөреслеген тикшерергә һәм янәсе 2026 елга капиталь ремонт программасы кысаларында эшләр үткәрүгә исемлекләр формалаштыруга кушылырга тәкъдим итә башлаган. Моның өчен алар мессенджерларда фейк чатлар булдыра.
Халыкка тавыш бирүдә катнашуларын бот ярдәмендә расларга тәкъдим итәләр, ул мошенникларга дәүләт хезмәтләре аккаунтына керү кодын алырга мөмкинлек бирә.
Схема Яңа ел бәйрәмнәре чорында активлашкан, озак яллар вакытында корбан үзенең аккаунтына керү мөмкинлеген торгызганда тоткарлыклар белән очрашачак, бу аферистларга вакыт бирәчәк.
Русиялеләргә мошенникларны искергән терминнар, шулай ук дөрес булмаган формулировкалар, грамматик һәм стилистик хаталар буенча исәпләп чыгарырга мөмкин, диләр. Моннан тыш, халыкка искәртүләренчә, башкарма яки муниципаль власть органнары вәкилләре гражданнар белән мондый мәсьәләләр буенча фикер алышу өчен мессенджерларда чатлар булдырмый, шулай ук раслау кодларын сорамый.

Берүк алдана күрмәгез, дуслар! 

Чыганак: lenta.ru