20 яшьлек исерек егет 10 тәүлеккә кулга алынган

Юл-патруль хезмәте инспекторлары документларны тикшерү өчен ВАЗ-2107 автомобилен туктаткан. Руль артында правасыз исерек егет була.

Алкотестер приборында тикшерү организмда алкоголь күләменең рөхсәт ителә торган нормадан биш тапкырдан артыграк булуын күрсәткән. Егетне автомобиль белән идарәдән читләштерәләр, ә машинаны махсус тукталышка урнаштыралар. Хокук бозучыга карата административ беркетмә төзелгән, шулай ук суд аңа 10 тәүлеккә  кулга алу билгеләгән.