Уфада баланы таяк белән кыйнаган ир-атны эзлиләр

Бу хәл Черниковка бистәсенең Кулса урамындагы күп катлы йорт ихатасында теркәлгән.

Малайга һөҗүм итү кадрларын домофон камерасы төшереп алган. Видеоязмада нәни бала белән коляска этеп барган ир-ат күренә. Кинәт әлеге ир-ат аның каршына килүче малай артыннан йөгерә. Аны тибеп ега. Берничә тапкыр таяк белән суга, соңыннан бер хатын йөгереп килеп кыйналган малайны яклый.

“Ул мине гафу итте! Ай, ярдәм итегез! Кирәкми, кирәкми!” – дип ачыргаланып кычкыра малай.

Ир-ат исә янә коляскасын этеп китә. Аның кылыгының сәбәпләре билгесез.

Башкортстан буенча Эчке эшләр министрлыгында һөҗүм итүченең шәхесен ачыкларга тырышалар.

"Хәбәр 2нче полиция бүлегендә теркәлде. Полиция видеоязмада күренгән ир-атны ачыклый. Тикшерү үткәрелә, аның нәтиҗәләре буенча процессуаль карар кабул ителәчәк", – дип белдерделәр ведомствода.

Чыганак: bashinform.ru