“Энергосбыт”тан шалтыратып, счетчикны алмаштырырга кирәк дигәннәр

Русия Эчке эшләр министрлыгының Белорет районы буенча бүлегенә мошенниклык турындагы гариза белән мәгариф учреждениесенең 35 яшьлек хезмәткәре мөрәҗәгать иткән. Шушы көннәрдә гариза бирүчегә билгесез номердан шалтыратканнар. Әңгәмәдәш үзен “инвестицион компания хезмәткәре” дип таныштырган һәм онлайн-өстәмә эш тәкъдим иткән, өстәмә акча эшләү варианты турында уйланып йөргән хатын тәкъдимгә ризалашкан. Аннары хатын-кызның номеры “белгеч”кә тапшырылган, ул аның “кураторы” итеп билгеләнгән. Җинаятьчеләр җитәкчелегендә педагог кушымтаны йөкли, системада теркәлә һәм үзенең беренче сатуларын башлый. Бер ай дәвамында зыян күрүче үзенең “инвестиция портфеле”нә якынча 1,5 миллион сум керткән, тагын 500 мең сумны ул кредитка алган һәм танышларыннан бурычка алган. Керемнең ничек тиз үсүен күзәтеп, хатын дивидендларны чыгарырга тырышып караган. Әмма мошенниклар элемтәгә чыгудан туктый, ә шәхси кабинетка керү мөмкинлеге блокланган булып чыга.

Тагын бер мошенниклык очрагы Стәрлетамакта теркәлгән. 30 яшьлек аптека хезмәткәренә янәсе “Энергосбыт" хезмәткәреннән шалтырату килгән. Ул “электр счетчигын алыштыру" турында хәбәр итә һәм янәсе смс-хәбәр аша килергә тиешле кодны тикшерүне  сораган. Хатын-кыз смс аша килгән кодны хәбәр иткән, бу мошенникларга аның шәхси мәгълүматларына керү мөмкинлеген биргән. Тиздән тагын шалтыраталар,  бу юлы “банк хезмәткәре”. “Банк хезмәткәре” хатын исеменә “җинаятьчеләр кредитлар рәсмиләштерергә тырыша" һәм аларны гамәлдән чыгару өчен каршы гаризалар бирергә кирәк, дип белдерә. Аферистларга ышанып, фармацевт 300 мең сумга якын кредит рәсмиләштергән һәм алынган акчаларны мошенниклар счетына күчергән.

БР буенча Эчке эшләр министрлыгы кисәтә! Смс-хәбәрләр аша килгән кодларны, парольләрне һәм банк карталары мәгълүматларын беркемгә дә әйтмәгез. Счетларны блоклауга һәм хәвефсез счетка күчерүгә ышанмагыз. Шикле операцияләрне гамәлдән чыгару өчен шунда ук банкка шалтыратыгыз.