Уфада колледж директоры 1,4 млн сумга якын ришвәт алуда гаепләнә

Уфада 53 яшьлек колледж директоры вазифаларын башкаручы 1,4 млн сумга якын ришвәт алуда гаепләнә. БР Прокуратурасында хәбәр итүләренчә, 2023 елның июленнән 2025 елның мартына кадәр әлеге ир-ат, эретеп ябыштыру-монтаж һәм сәнәгать җитештерүе колледжы директоры вазифаларын башкарганда, уку учреждениесендә урнашкан бассейн арендаторыннан ришвәт таләп иткән. Акча гомум химаячелек һәм юл куючанлык, бассейн бинасын арендалау килешүен төзегәндә ярдәм күрсәтү һәм бизнес эшчәнлеге өчен тоткарлыксыз һәм уңай шартлар тудыру өчен каралган булган.

Айлык ришвәт суммасы 35 мең сумнан 200 мең сумга кадәр тәшкил иткән. Акча гаепләнүче кулына шәхсән тапшырылган, шулай ук банк счетларына, шул исәптән аның танышларына күчерелгән. Алынган ришвәтләрнең гомуми суммасы 1,4 млн сумга якын тәшкил иткән. 

Чыганак: bashinform.ru