Хәсрәт-ананы 8 айга утыртканнар

Суд Балтач районында яшәүче хәсрәт-ананы  4 яшьлек кызына алимент түләмәгәне өчен 8 айга ирегеннән мәхрүм иткән. Бу хакта төбәк прокуратурасы хәбәр итә.  

Хатын-кыз, суд карары һәм кисәтүләргә карамастан, кызын карау өчен матди ярдәм күрсәтмәгән. Алимент буенча бурыч 280 мең сумнан артык тәшкил иткән. Элегрәк ул шундый ук җинаять өчен хөкем ителгән булган инде.

Срогын ул гомум режимлы колониядә үткәрәчәк, дип өстәделәр ведомствода. 

Чыганак: bashinform.ru