Гинекологны пациент үлемендә гаеплиләр

Үзенең һөнәри бурычларын тиешенчә үтәмәгән өчен саксызлык аркасында үлемгә китерү эше буенча 53 яшьлек акушер-гинекологны хөкем итәчәкләр. 

БР Прокуратурасында хәбәр итүләренчә, 2023 елның мартында төнлә район хастаханәсенең кабул итү бүлегенә эче авырткан хатын-кыз мөрәҗәгать иткән. Авыру хатын акушер-гинеколог медицина ярдәмен тиешенчә күрсәтмәве аркасында шул ук көнне күп кан югалтудан вафат булган  – корсак куышлыгында көчле кан китү башланган.

Табиб  гаебен танымаган. Гаепләү бәяләмәсе күчермәсен тапшырганнан соң, җинаять эше асылы буенча карау өчен судка җибәреләчәк. 

Чыганак: bashinform.ru