"Тойота" водителе исерек булган...

Башкортстанда кеше үлеменә китергән авария ясаганы өчен водительне сак астына утыртканнар. Республика судларының берләшетерелгән матбугат хезмәтендә хәбәр итүләренчә, Бөре районара суды тикшерүченең 52 яшьлек ир-атны сак астына утырту үтенечен караган. Ир-ат исерек килеш юл йөрү кагыйдәләрен бозуда гаепләнә. Ул ясаган һәлакәт нәтиҗәсендә  кеше үлгән.

Авария  3 май кичендә  Бөре шәһәрендә теркәлгән. “Тойота Рав 4” машинасы руле артында  исерек килеш хәрәкәт иткән ир-ат “Рено Логан” белән бәрелешкән. Кызганычка каршы, “Рено” водителе авария урынында ук җан биргән, аның ике пассажиры дәваханәгә эләккән.

Суд авариядә шикләнелүчене 4 июльгә кадәр сак астына алган. Карар әлегә үз көченә кермәгән.

Чыганак: bashinform.ru