Эустома чәчәргә вакыт җитте

Орлыгын чәчкәндә җир белән күмдермибез, орлыклар җир өстендә калырга тиеш. Өстен капкач белән капларга — парланып утырырга тиеш. Көненә бер тапкыр булса да капкачын ачып җилләтергә онытмагыз. Суны пипетка белән тамызып яки пульверизатордан сиптереп кенә сибегез, орлыклар юешләнергә тиеш. Эустома орлыклары 2-4 атнада тишелеп чыгарга тиеш. Эустомага 16 сәгать яктылык кирәк. Мин иртән яктырганчы кабызып алам, аннан кич 5-6 сәгать яндырам. Эустома парник эффектын ярата. 

3-4 яфрагы чыгуга, аерым савытларга күчереп утыртырга кирәк. 

Лилия МОРТАЗИНА, Башкортстан, Илеш районы Ябалак авылы. 

Чыганак: 1001 киңәш