"Анкл бенс" салаты менә ничек була!

Моның өчен түбәндәге ингредиентлар кирәк була:

кабачки-2кг

башлы суган -600гр

баллы борыч -600гр

помидор -1кг

Маринад өчен: сыек май- 1стакан,шикәр комы - 0,5 стакан, тоз -2 аш кашыгы, уксус 9% -0,5 стакан (азрак та ярый), томат пастасы - 3 аш кашыгы.

Әзерләү тәртибе: кабачки, борычларны озынча итеп, суганны ярым түгәрәк, помидорларны өлешләп турыйбыз. Маринадның ингредиентларын барысын бергә кушып, тирән савытка салабыз һәм уртача утта кайнатып чыгарабыз. шуның өстенә кабачкиларны салабыз һәм болгатып 10 минут пешерәбез, алга таба суганны салабыз- 5 минут пешерәбез, борычны өстибез-5 минут пешерәбез, ахырдан помидорны салып 10- 15 минут пешерәбез. Пешкән вакытта агач кашык белән болгатып торабыз. Кайнар салатны стерильләштерелгән банкаларга салып, капкачын аска каратып, бүлмә температурасында суынырга калдырабыз. Салкынча урында саклыйбыз.

Тәмле булсын!