Фунчоза яратасызмы?

Соба — көрән-соры төстәге озын, калын карабодай токмачы. Кайчак яшел чәй дә кушалар, анысы яшькелт төскә керә. Собаны табынга соус белән чыгаралар, ашка салырга да ярый. Ул яшелчәләр белән тәмле. Фунчоза — үтә күренмәле токмач. Аны дөге һәм кузаклылар крахмалыннан ясыйлар. Составында глютен юк, шуңа аллергиядән тилмерүчеләргә дә яхшы, ул бодай токмачыннан файдалырак. Фунчоза ике минутта пешә. Аны салатларга кушалар. Сомен — озын, бик нечкә чәчсыман токмач. Шулай ук бодай оныннан әзерләнә. Соменны кайнап торган суга салалар, 3 минуттан әзер була. Салатларга кушарга, соус белән чыгарырга мөмкин. Шулай ук Арари, Удон дигән токмач төрләрен дә очратырга була.

Фото: mykaleidoscope.ru

Юлай Низаев әзерләде.