Шөпшәләрне үрчетмәскә мөмкин

Умарталык янында шөпшә үрчетмим дисәгез, шул тирәдәге төзелешләрдә – веранда чормасында, келәт, мунча кыекларында аларның оялары булуга игътибар итегез.

Алар җәй буена шунда умарталардан урлап бал ташый. Кичкә таба бу ояларны, шөпшәләре белән бергә полиэтилен капчыкка җыеп, утта яндырыгыз. Яңадан оя корсалар, аларын да шулай юк итегез.

Шөпшәләр бал сезонында усаллаша, кортлар ерактан җыеп кайткан әзер табышны көзгә кадәр леток аша кереп алып чыгалар. Әгәр алар артык үрчеп китсә, шактый гына продукт югала дигән сүз. Тамчылардан күл җыела, диләр бит.

Фото: 2sotki.ru

Юлай Низаев әзерләде.