Кытайлылар пеләшләнүне җиңгән, диләр

Кытайлылар кофеин сывороткасы ярдәмендә  пеләшләнүне җиңгән. Бу чара таз башлыларга  кабарынкы куе чәчләр кайтарырга сәләтле, ди. Могҗизалы кремга сынаулар үткәрүдә 60 пеләш ир-ат катнашкан. 8 атна дәвамында алар көн саен башка 1 мл крем сөрткәннәр. 56 көн эчендә чәч калынлыгы 25 процентка арткан, башка традицион ысуллар белән чагыштырганда бу гаҗәеп алга китеш, диләр белгечләр.

Сыворотка составына кофеин, пантенол, Centella asiatica (центелла азиатская,  – Авт.) үсемлегеннән күзәнәкләрдән тыш везикулалар һәм FGF-7 үсеш факторы керә. Тикшеренүчеләр сүзләренчә, комбинация чәч фолликулларын активлаштыра һәм чәч үсешен стимуллаштыра. Тик шулай да нәтиҗәләр барыбер генетикага, гормоннарга һәм яшәү рәвешенә бәйле, ди.

Чыганак: mash.ru