Укытучы балаларны дуңгызлар дип атаган

Краснодарда дәрес вакытында  укытучы укучыларны дуңгызлар дип атаган. Бу хакта RT басмасы язып чыккан.

Бу сүзе өчен ир-атка җавап бирергә туры килгән. Шәһәрнең муниципаль идарә үзәгендә хәбәр итүләренчә, педагогны эштән азат иткәннәр.

"Мәктәптә педагогик тикшерү үткәрелә. Мәгълүмат хокук саклау органнарына хокукый бәяләү өчен тапшырылган. Директор  ата-аналар белән очрашу уздырды инде”, — дип аңлатканнар муниципаль идарә үзәгендә.

RT шулай ук педагогның гафу үтенү видеосын бастырган, анда ул үз-үзен тотышын эмоциональ халәте белән аңлата һәм кылыгы өчен җәзаны үтәргә әзер булуын белдерә. 

Чыганак: lenta.ru