Янәшәдә ике кечкенә кабер: елгада батып үлгән балаларны җирләгәннәр

Бу хакта РИА Новости Одинцово шәһәр округы хакимиятенә сылтама белән яза. Шимбә көнне 14 мартта Звенигородта Иван белән хушлашканнар, ә 16 мартта — Богдан белән. Алинәне эзләү дәвам итә.

Хокук саклау органнарының беренчел мәгълүматлары буенча, өч балигъ булмаган бала да судагы бәхетсезлек очрагы нәтиҗәсендә һәлак булган. Шуңа да карамастан, өченче баланы эзләү дәвам итә.

Эзләү операциясе вакытында коткаручылар, водолазлар һәм иреклеләр Мәскәү елгасының 20 чакрымын тикшергәннәр,

дип язган иде  элегрәк ТАСС. Шулай ук басма мәгълүматлары буенча, эзләү акваториясенең гомуми мәйданы 915 мең квадрат метр тәшкил иткән.

Водолазлар 10 мең квадрат метр су төбен тикшереп, 58 тапкыр суга төшкәннәр. Эхолот һәм гидроакустика белән көймәләр елганың 27 километрын, җәяүле группалар ике як яр буйлап 59 километрны үткәннәр. Русия гадәттән тыш хәлләр министрлыгының төбәк Баш идарәсендә хәбәр итүләренчә, ике 12 яшьлек малай һәм 13 урамга чыгып киткән һәм кире әйләнеп кайтмаган. Яр буенда бер малайның эзләрен һәм бүреген тапканнар. Тикшерү версиясе буенча, яшүсмерләр боз астына төшеп киткән. Ике яки аннан да күбрәк кешене үтерү маддәсе буенча җинаять эше кузгатылган.

Чыганак: https://kazanfirst.ru/

фото: МЧС России