СВО катнашучыларын волонтер-остаз сыйфатында өйрәтә башладылар

Практика үз эченә укулар үткәрүне, шулай ук яшьләр белән системалы эшләүне оештыру өчен махсус операциядә катнашучылар арасыннан волонтер-остазлар пулын формалаштыруны ала.

Төбәк яшьләр министрлыгы матбугат хезмәтендә сөйләүләренчә, программа үз эченә яшьләргә һәм яшүсмерләргә хәвефсез һәм нәтиҗәле ярдәм итү өлкәсендә компетенцияләр алуны гына түгел, ә остазның шәхси тотрыклылыгын үстерүне, яшьләрнең психологик үзенчәлекләрен аңлауны, ышанычлы мөнәсәбәтләр төзүне, конструктив аралашуны һәм конфликтлы ситуацияләрне хәл итүне дә ала.

Укудан соң волонтер-остазлар гражданлык-патриотик чаралар үткәрә һәм яшьләргә үз-үзләрен нәтиҗәле тормышка ашырырга ярдәм итә алачак.

Программа өстендә төбәкнең Яшьләр министрлыгы, БР буенча “Ватанны саклаучылар” СВО катнашучыларына ярдәм итү дәүләт фонды һәм республикада махсус хәрби операция ветераннары ассоциациясе белгечләре эшли. Волонтер-остазларны Башкортстан Башлыгы Радий Хәбиров кушуы буенча “Безнең киләчәк” профилактика-остазлык программасын гамәлгә ашыру турында, шулай ук “Игелекле эшләр төбәге – 2025” федераль конкурсы йомгаклары буенча ирекмәнлеккә ярдәм итү практикасын гамәлгә ашыру кысаларында өйрәтәләр. 

Чыганак: bashinform.ru