БПЛАның киләчәге өметле

Сугышчан хәрәкәтләр техниканы гына түгел, ә аның белән идарә итүче кешеләрне дә үзгәртә. Бу хакта “Горобзор” мәгълүмат-яңалыклар порталына “Себер” бригадасының “Тир” позывное белән БПЛА хезмәте башлыгы сөйләгән. Ул ни өчен компьютер уеннарын яратучылар пилотсыз системалар гаскәрләренең үзәгенә әверелә, коптерлар операторы гражданлык пилотыннан нәрсәсе белән аерылуы һәм “Баба-Яга” дроны җирне ничек сөрәчәген аңлаткан.

“Тир” сүзләренчә, БПЛА операторы пилот кына түгел, ә ул әле берьюлы инженер, химик һәм тактик та.

"Хәрби операторны гражданлык пилотыннан хәрби часть белән эшли белү аерып тора. Бу штаттан тыш боеприпаслар белән көндәлек эш. Без аларны икенчел зарарлы элементлар белән баетабыз, максатка карап фугас көчен арттырабыз”, – дип аңлата ул.

“Тир" Русия Кораллы көчләре элитасына ничек кереп  булуын аңлатты. Liftoff кебек симуляторларны үзләштерүдән башларга кирәк. Шуннан соң махсуслаштырылган курсларга язылырга була, шөкер, бүгенге көндә алар аз түгел, ә дәресләрне инструктор-фронтовиклар бирә.

"Һәрвакыт нигездән башларга, акрынлап катлаулы бурычларга күчәргә кирәк. Әгәр уку барышында син яңгырда да, карда да эшли алуыңны аңлыйсың икән, әгәр дә дошманны ачыклау өчен ландшафтны күзәтә аласың икән – димәк, син безнең кеше”, – ди “Тир”.

Ул билгеләп үтүенчә, безнең мәктәпләр дөньяда иң яхшы белем бирә. Алар тәмамланганнан соң Оборона министрлыгы белән  контракт имзаларга мөмкин.

“Тир" фронтта алган күнекмәләрне сугышчылар югалтмаячак, алай гына да түгел, гражданлык тормышында да куллана алачаклар, дип өстәгән.

"Геодезия буенча эш, ландшафт төшерү, гадәттән тыш хәлләр министрлыгы һәм хокук саклау органнарына ярдәм – болар барысы да бик актуаль булачак. Бүген дошман буенча эшли торган шул ук „Баба-Яга“ аппараты җир эшкәртәчәк һәм икмәк үстерергә мөмкинлек бирәчәк. Төп ирония нәкъ шунда", – дип фәлсәфи яктан билгели “Тир”.

2025 елда Башкортстан аграрийлары БПЛА ярдәмендә 25 мең гектардан артык авыл хуҗалыгы җирләрен эшкәрттеләр, ә 2030 елга республика хуҗалыкларында пилотсыз очкычлар паркы 150 берәмлеккә җитәргә мөмкин. Төбәк үзе БПЛА үсешендә лидерларның берсенә әверелә. Әйтик, 2025 елда биредә тугыз меңнән артык аппарат җитештерелгән, операторлар әзерләү үзәкләре ачыла.

"Минем өчен „Алга, Башкортстан!" дигән сүзләр  күпне аңлата. Бу минем туган ягымны, минем гаиләм яшәгән, балачагым үткән кече Ватанымны искә төшерү. Хәтта монда, сугышта да, син үзеңә республиканы тәкъдим итүеңне искә төшерергә тырышасың. Син  аңлыйсың: әгәр йомшаклык яки куркаклык күрсәтсәң, шуның белән үз республикаңның ышанычын югалтачаксың. Шуңа күрә син эчеңнән генә: Алга, Башкортстан!” – дисең дә, алышларга керәсең", – ди дрон операторы. 

Башкортстанда яшәүчеләр дрон операторлары сафларын тулыландыра ала. Пилотсыз системалар гаскәрләренә җыю турындагы бөтен мәгълүмат башбат.рф контракт буенча чакыру турындагы сайтта урнаштырылган.

Шулай ук Оборона министрлыгы сыгылмалы хезмәт срокларын тәкъдим итә. Контракт бер елдан алып срокка төзелә, бу хезмәт үзенчәлеген бәяләргә мөмкинлек бирә. Сугышчы эштән китә яки яңа контракт төзи алачак.

Сугышчыларга белгечлекләрен саклап калу гарантияләнә. Илнең оборона ведомствосы белән контрактта хәрби хезмәткәрне аның ризалыгыннан башка БПЛА идарәсе белән бәйле булмаган башка белгечлеккә яки гаскәрләрнең башка төренә күчерергә ярамый дип язылган.

БПЛА өлкәсендә контрактчылар тулы социаль пакет ала. Аларга законнарда каралган барлык түләүләр, ташламалар һәм социаль гарантияләр кагыла.

Моннан тыш, студентларга махсус шартлар бар. Вуз студентлары, академик отпуск алып, контракт төзергә, ә хезмәттән соң инде янә бюджет бүлегенә кире кайтырга хокуклы.

Нәтиҗәлелек өчен өстәмә түләү каралган. Дошман максатларын уңышлы  юк итүчеләргә 50 меңнән алып 500 мең сумга кадәр акча каралган.

БПЛА бүлекчәләре сафларында хезмәт белән кызыксынучыларның барысы да 122 номерына шалтырата ала. 

Чыганак: bashinform.ru