Акчасын МХОга биргән

Кырмыскалы районында яшәүче Артем Журавлев үзенең җыйган акчасын махсус хәрби операциядә хезмәт итүчеләргә җибәргән.

Дүртенче сыйныфта укучы малай акчасын район үзәгендәге волонтерлар штабына илткән. Район хакимиятеннән хәбәр итүләренчә, Артемның әнисе шушы волонтерлар штабында хезмәт итә. Үзе теш табибы булып эшли, буш вакытларында МХО яугирләренә гуманитар ярдәм җыю белән шөгыльләнә: Уфа шәһәрендәге “Башкортстан ашлары” штабына коры ашлар эшләр өчен чимал ташый.