1 сентябрьдән мәктәптә робот-гуманоид укыта башлый

Силикон укытучы белән кыю экспериментны Америка мәктәбендә үткәрәләр.

Яңа уку елында Нью‑Йорк штатының төньягындагы Саламанка шәһәре мәктәбендә балалар белән силикон тиреле кеше сыман робот Салли эшләячәк. Механик укытучы 11-12 сыйныф укучыларына программалаштыру, робототехника буенча дәресләрдә woz Ed программасы кысаларында (Стив Возняк катнашында) ярдәм итәчәк. Робот хатын-кыз кыяфәтле-коңгырт чәчле, ак тәнле, хәрәкәтчән куллы һәм АКШның бу төбәгенә хас акцентлы.

Шул ук вакытта Салли мөстәкыйль рәвештә хәрәкәт итә алмаячак. Проект бәясе-60 мең долларга якын. Мәктәп директоры Марк Билер сүзләренчә, мондый роботны гамәлгә кертү-мәгариф үсешендә яңа этап. Шул ук вакытта Салли укытучыларны тулысынча алмаштырмаячак, аның бурычы — укучыларга мөстәкыйль рәвештә чишелешләр табарга ярдәм итү.

Үзегезгә шундый препод теләр идегезме?

Чыганак: SHOT