Төлкеләр ояларыннан чыккан

«Аслыкүл» табигать паркы хезмәткәре Гүзәл Гыйльманова төлкеләрнең оядан чыгуын күргән. Әлегә бер ай тулган җәнлекләр килбәтсез күренә-кыска аяклы һәм зур башлылар, койрык очлары ак төстә. Башкортстан Экология министрлыгында уртаклашуларынча, төлке балалары инде ата-аналары китергән азыкны татып карыйлар һәм тышкы дөнья белән танышалар. Аларның үрчетү оясы юл буендагы аланда урнашкан: машина тавышы аларны куркытмый, ләкин алар ояларыннан ерак китмиләр.