Таиландта татар артистлары катнашында Сабантуй узачак

Бу вакыйга турында гарәп илләрендәге татарлар Альянсы башлыгы Марсель Әхмәтшин хәбәр итте. Бәйрәм 16:00 дә Lotus Arena да башлана. Кунакларны бай концерт программасы көтә, чараның хедлайнерлары Татарстанның атказанган артистлары–  Фирдүс Тямаев һәм Рәзил Камалов булачак, шулай ук DJ Сөләйман һәм «Катюша»төркеме чыгыш ясаячак. Теләүчеләр өчен милли ашлар белән рестораннар эшләячәк, кунакларны өлкәннәр һәм балалар өчен уеннар һәм интерактивлар көтә. Чарага керү бушлай.