"Тимошаны" коткарганнар

Ятим калган юлбарысны Хабаровск өлкәсендә Комсомольск—Николаевск автомобиль юлы кырыенда тапканнар. Бу хакта Telegram-каналда төбәк Хөкүмәтенең аучылык хуҗалыгы идарәсе хәбәр итә.

Гаризада билгеләп үтелгәнчә, урынга инспекторлар чыккан. Алар тирә-якны тикшергәннәр, ләкин ана эзен тапмаганнар. Шуңа бәйле рәвештә белгечләр юлбарысны тотып Хабаровскига алып килгәннәр һәм махсус вольерга урнаштырганнар.

Анда ачыклык кертүләренчә, юлбарысны карау һәм ветеринария белән тәэмин итүне «Амур юлбарысы» үзәге үз өстенә алган. Хәзерге вакытта аңа “Тимоша” дип исем биргәннәр, ул инде  сизелерлек ныгыган һәм даими рәвештә ризык кабул итә.