ГАИ инспекторлары хатын-кызларны әниләр көне белән котлаган

Документларны гадәттәгечә тикшерү урынына алар машина йөртүчеләргә ныклы сәламәтлек теләделәр һәм сувенирлар тапшырдылар, шул ук вакытта юл хәрәкәте хәвефсезлеге кагыйдәләрен искә төшерделәр.

Алар кыскача гына юл хәрәкәте кагыйдәләрен төгәл үтәү кирәклеген искәрттеләр, бигрәк тә балаларны тотучы җайланмаларын куллануның һәм юлларда, юл аша чыкканда, яктылыкны кире кайтара торган элементларны куллануның мөһимлеген ассызыкладылар, чөнки Әни өчен балаларының иминлегеннән дә кыйммәтлерәк нәрсә юк бит.