13 яшькэ кадәр телефонда утырса...

Бала смартфонны никадәр иртәрәк кулына алса, киләчәктә аның психик сәламәтлек күрсәткечләре шулкадәр түбәнрәк була, ди белгечләр. 13 яшькә кадәрге телефон хуҗалары агрессия, борчылу һәм чынбарлыктан аерылу симптомнарыннан ике тапкыр ешрак интегә. Кызларның үз-үзләренә бәясе төшә, егетләрдә эмоциональ тотрыксызлык башлана. Мондый нәтиҗәгә Һиндстан һәм АКШтан тикшеренүчеләр төркеме килгән. Социаль челтәрләргә иртә керү психикадагы җитди үзгәрешләр белән бәйле, алар һәрвакыт стандарт методлар белән теркәлми, дип яза тикшеренү авторы доктор Тара Тиагараджан. Балалар өчен төп куркынычлар-эзәрлекләү, йокы белән проблемалар һәм гаиләдәге киеренке мөнәсәбәтләр. Экспертлар смартфоннар өчен алкоголь һәм тәмәке өчен булган чикләүләрне кертергә тәкъдим итә. Аларга түбәндәгеләр керә: 13 яшькә кадәр телефон һәм социаль челтәрләрдән файдалануны акрынлап тыю, цифрлы грамоталылыкка өйрәтү һәм IT-компанияләрнең кагыйдәләрне үтәү өчен җаваплылыгы. "Потенциаль зыян масштабы аны игътибарсыз калдыру өчен артык зур", — дип нәтиҗә ясады Тиагараджан.

Чыганак: Башкирия online