Көчле затлар да матурлык процедураларына тартыла

Хәзер бит-йөзгә операция ясату, хатын-кызлар арасында гына түгел, көчле затлар арасында да популярлаша башлаган. Русия ир-егетләре арасында пластик операция ясатуга сорау 30 процентка арткан.
Алар блефаропластика - өске һәм аскы күз кабакларыннан артык тире һәм майны алдыру - ясаталар. Бу хакта Shot басмасы белдерә.
Пластик хирурглар белдерүенчә, 30 яшьтән алып ир-егетләр арасында соңгы елларда хирургия ярдәменә мөрәҗәгать итүчеләр саны 30 процентка арткан.
Блефаропластика беренче урында торса, икенче урында - маңгай тиресен тарттыру. Табиблар раславынча, ир-егетләр бит-йөзне тәрбияләү процедураларына да йөриләр, ләкин шул ук вакытта алар уколларны авыр кичерәләр икән. Көчле затларның ботокс ясатуга да еш мөрәҗәгать итүләре хакында белдерә табиблар.

Фото:zabir.ru