Русиялеләрнең 23% Башкортстанны гастросәяхәт өчен төп урын дип атады

Сораштыру барышында ватандашларның 17% ил буйлап гастрономик ачышлар өчен сәяхәт итүләрен әйткән. «Анкетолог» бу җәһәттән кайсы төбәкләрнең аеруча кызыклы булуын ачыклады.

Сораштырылганнарның 89% киләчәктә гастрономик туризм максатларында илебез буенча сәфәр кылырга тели. Аларга бу максат белән барырга теләгән берничә төбәкне сайларга тәкъдим иткәч, ешрак искә алганнар: Байкал (67%), Татарстан (48%) һәм Камчатка (47%).

Башкортстанны сораштыруда катнашучыларның 23% атаган – Калининград өлкәсе белән беррәттән. Сораштырылганнарның 95% җирле кухня ризыкларын тагын бер тапкыр татып карау өчен тагы да безнең якларга килергә ниятли.

Юлай НИЗАЕВ.

Фото: Kumpan Terra.