Төнен кырау төшәргә мөмкин

Көннәр көзгә авыша башлады.

Башгидрометтан хәбәр итүләренчә, Уралга һәм Русиянең Европа өлешенә Арктикадан салкын һава киләчәк.

Термометр баганалары көндез +12, +17 градус күрсәтсә, төннәрен һава температурасы +2, +7 градуска кадәр төшәчәк.

Алдагы ял көннәрендә республиканың кайсыбер төньяк һәм таулы районнарында төнен-иртән һава һәм туфрак өсте салкынаячак дип фаразлый синоптиклар. Бу инде кырау төшәргә мөмкин дигән сүз.

Ял көннәрендә шулай ук зур булмаган яңгырлар да көтелә.