Күп балалы әти батып баручы ике яшьлек малайны коткарган

Калтасы авылында ике яшьлек малай, әти-әнисе игътибарын читкә юнәлткән арада, велосипедка утырып елгага таба тәгәри. Әнисе улының батып баруын күреп, суга ташлана, ә ярдәмгә оператив рәвештә Александр Зайгин килә.

Ул баланы әнисеннән алып, табиблар килгәнче үпкәләрнең ясалма вентиляциясен ясый башлый.  Йөрәк массажыннан соң якынча бер минуттан малай үзе сулыш ала. Коткаручы бу гамәлне батырлык дип санамый.