Кибетләрдән Ferrero Rocher, Bueno, Raffaello һәм Kinder конфетлары югалачак

Конфет башка булмаячак: кибет киштәләреннән «Пятерочка», «Перекресток» һәм «Чижик» кибетләре белән идарә итүче Х5 сәүдә челтәре Ferrero Rocher, Bueno, Raffaello һәм Kinder брендларын сатуны туктаткан.

Сәбәбе – бәяләрне арттыру булган, дип хәбәр иттеләр ТАСС агентлыгына компаниянең матбугат хезмәтендә. Ритейлер вәкилләре сүзләренчә, җитештерүче тарафыннан тәкъдим ителгән коммерция шартлары сатып алучылар өчен арзан бәяләрне тотарга мөмкинлек бирми: товар бәясенә салынган Ferrero табышы челтәрнең үз рентабельлегеннән күп тапкыр артыграк. Булган продукция запасы бер айдан аз гына артыгракка җитәчәк.