Элемтәләр яңа турист маршрутлары булдырырга булыша

Уфада «Торатау» Конгресс — холлында старт алган «Кече ватан - Русия көче» III Бөтенрусия муниципаль форумының делегатларының берсе Рязань хакимияте башлыгы Борис Ясинский булды.

Ул туризм үсешендә муниципальара элемтәләрнең әһәмияте турында белдерде.

- Горизонталь элемтәләр башка муниципалитетлар очраткан хаталарны булдырмаска ярдәм итә. Тупланган тәҗрибә теге яки бу проектны тиз арада ялгышмыйча тормышка ашырырга ярдәм итә. Туризмда муниципальара элемтәләр муниципальара маршрутлар булдырырга мөмкинлек бирә, - дип ассызыклады Борис Ясинский. 

Рязаньда 17 км озынлыктагы зур маршрут булдырганнар, аны үстерүгә бизнес өлкәсен дә кушканнар. Аның вәкилләре туристлык потенциалын үстерүгә бик теләп кушылган. Кичә Борис Ясинский форумның башка делегатлары белән Башкортстанның Чишмә районында булды.

- Евразия күчмә цивилизацияләр музее бик ошады. Рязань өчен үзләштерергә теләгән берничә тәҗрибә бар, - дип билгеләде ул муниципальара элемтәләрнең әһәмияте турындагы сүзләрен раслап.

 

"Республика Башкортостан" сайтыннан.