Шиханнардан “ватрушка”да шууны тыйдылар

Республика халкы Торатау шиханының бер битендә тюбингларда шуа башлаган. Популяр кышкы күңел ачу “Торатау” геопаркы хакимиятен борчуга салган.

“Торатау – уникаль табигать һәйкәле, ул тау тирәли йөрер, анда күтәрелер, фотосессияләр оештыру өчен гүзәл урын. Әмма аның битләре җиһазландырылган спорт трассасы түгел”, – диләр геопарк хакимиятендә.

Анда контрольдә тотардай тау авышлыгы, хәвефсез шуып чыгар урыннар һәм ташлар, агачлар белән бәрелешмәү мөмкинлеге юк.

“Иң якын хәвефсез һәм  тюбингларда шуар өчен рәсми әзерләнгән трасса “Куш-Тау” тау чаңгысы үзәгендә урнашкан. Анда хәвефсез һәм уңайлы ял итү өчен бар тиешле шартлар да булдырылган”, – дип искә төшерделәр геопаркта. 

Чыганак: bashinform.ru