Хуш киләсең, Яңа ел!

Авыл хуҗалыкларының тройкалары Кыш бабай, Карсылу һәм башка дуслары белән Чакмагыш урамнарына җиз кыңгырау чыңнарын таратты.

Берсеннән-берсе матур итеп бизәлгән ат тройкаларын чакмагышлылар көтеп алды. Алар тирә-якны кыңгырау чыңына күмеп, үзәк урамнардан үтте. 

Бүгенге парад якынлашып килгән бәйрәмгә ямь өстенә ямь өстәде. Кыш бабайлар һәм Карсылулар, ел символлары, төрле әкият персонажлары Балалар иҗат үзәге каршындагы мәйданда җыелды. Аннары алар Гаилә ялы паркына таба юл алдылар. Чыршы янында балалар һәм олылар өчен төрле уеннар, җырлы-биюле тамаша оештырылды.

Автор фотолары