Уфада ял көннәрендә 27 водитель руль артында исерек килеш эләккән

Уфа дәүләт автоинспекциясендә профилактик рейдларга нәтиҗә ясадылар. Хәбәр ителгәнчә, узган ялларда Дәүләт автоинспекциясе хезмәткәрләре тарафыннан 79 юл-транспорт һәлакәте теркәлгән, аларда 3 кеше зыян күргән.

Барлыгы 685 юл хәрәкәте кагыйдәләрен бозу очрагы теркәлгән.

Шуларның 41е-хәвефсезлек каешын куллану кагыйдәләрен бозу;

38е-җәяүлеләргә юл бирү таләпләрен үтәмәү;

38е-балаларны йөртү кагыйдәләрен бозу.

Шулай ук юл хәрәкәте кагыйдәләрен бозган өчен 66 җәяүле җаваплылыкка тартылган.