Республикада ял көннәрендә юеш кар явачак

Кайбер районнарда чыбыкларда һәм агачларда юеш кар яту, юлның аерым участокларында бозлавык булу көтелә.

Җил төньяк-көнбатыштан уртача, көндез урыны белән кискен. Көндез температура +2,+7° булачак.

18 октябрьдә яңгыр һәм юеш кар дәвам итәчәк. Җил көнбатыштан, көньяк-көнбатыштан – уртача. Һава температурасы төнлә -1,+4°, көндез +4,+9° булуы көтелә.

19 октябрьдә һава торышы әллә ни үзгәрмәячәк,төнлә һәм иртән кар явачак. Һава температурасы төнлә -1,+4°, көндез +4,+9° була, дип фаразлый синоптиклар.