Августтан гамәлгә керәчәк үзгәрешләр

Тарихи хәтерне яклау

Безнең илне һәм аның мәнфәгатьләрен яклаганда һәлак булганнарның истәлеген мәңгеләштергән хәрби каберлекләрне һәм башка объектларны мәсхәрәләгән өчен җинаять җаваплылыгы кертелде. Бу Русия территориясендә һәм чит илләрдә урнашкан мемориалларга кагыла. Максималь җәза – 5 елга кадәр иректән мәхрүм итү.

СВО катнашучыларына өстәмә ярдәм

1.Махсус хәрби операциядә катнашучы хәрби хезмәткәрләр өчен БДИ нәтиҗәләренең гамәлдә булу вакыты озайтыла. Чара илне саклаучылар өчен белем алу мөмкинлеген арттыруга ярдәм итәчәк, шулай ук аларга хезмәт тәмамланганнан соң тизрәк җайлашырга мөмкинлек бирәчәк.

2.СВОда катнашучылар һәм аларның якыннары юридик әһәмияткә ия фактларны ачыклау өчен судка мөрәҗәгать иткәндә дәүләт пошлинасын түләүдән азат ителде инде (закон 23 июльдә үз көченә керде). Бу алар өчен кирәкле документларны рәсмиләштерү процедурасын гадиләштерә һәм артык финанс йөкләнешеннән азат итә.

Маркировкаланмаган алкоголь һәм тәмәке әйләнеше өчен җаваплылык

Алкогольле, тәмәкеле яки никотинлы продукцияне  сату максатларында Русия законнарында каралган мәгълүматны маркировкаламыйча эре күләмдә җитештерү, сатып алу, саклау, ташу өчен җинаять җаваплылыгы билгеләнә. Шулай ук мондый продукцияне маркировкалау өчен ялган идентификация чараларын сату һәм сату максатларында әзерләү өчен җаваплылык кертелә. 

Чыганак: bashinform.ru