Июль ахырында нинди һава торышы көтелә?

Башкортстанда җәйнең икенче аеның ахыры яңгырлы булачак, дип фаразлый Башгидромет синоптиклары.

Бүген, 28 июльдә, төбәктә яңгыр явачак, көнчыгыш районнарда көчле яңгырлар явуы ихтимал. Җил төньяктан.  Көндез һава +18, +23° градуска кадәр җылыначак.

29 июльдә, сишәмбе көнне, шулай ук кыска вакытлы яңгырлар явуы көтелә. Җил төньяк-көнчыгыштан, талгын. Төнлә термометр баганалары +10, + 15° градус күрсәтәчәк. Көндез +20, +25°гардуска кадәр җылытмакчы.

Чәршәмбе, 30 июльдә, һава торышы яңгырлы булачак. Җил төньяк-көнчыгыштан, уртача тизлектә.  Төнлә термометр баганалары +12, +17°, көндез +21, +26° градус җылы күрсәтәчәк. 

Чыганак: bashinform.ru