“Матур” датада өйләнешкәннәр

Кагыйдә буларак, матур даталарда өйләнешергә теләүчеләр гадәттәге көннәргә караганда күбрәк.

“Матур” дип саналган датада – 2025 елның 25 июнендә дә – республика ЗАГС бүлекләрендә 245 пар никах теркәгән.

Бу көнне яңа гаиләләр иң күбе Уфада төзелгән: 31 пар өйләнешкән. Республика буенча беренче урында – Октябрьский шәһәре: анда 17 пар никахлашкан. Икенче урында – Нефтекама: анда 15 пар чәчләрен чәчкә бәйләгән. Өченчедә – Стәрлетамак шәһәре: 12 яңа гаилә төзелгән, дип хәбәр итәләр Дәүләт юстиция комитетында.

“Бу матур дата яшь парларга бәхетле гаилә тормышына фатиха бирсен! Ныклы сәламәтлек, мәхәббәт, балалар тууын һәм иминлек телим!” – дигән Хөкүмәте вице-премьеры Ирек Сәгыйтов үзенең телеграм-каналында.

Нинди датада өйләнешүгә карамастан, гаиләләр ныклы булсын, мәхәббәттә, бер-берсен аңлашып яшәсен дип телисе килә.