Күк күкрәп яңгырлар явачак, ди

Алдагы өч көндә республикада  күк күкрәп яңгырлар явуы фаразлана. Синоптиклар мәгълүматы буенча, дүшәмбе көнне, 12 майда, урыны белән бераз яңгырлар көтелә, төбәкнең  көньягында уртача күләмдә, күк күкрәп явачак. Җил төньяк-көнчыгыштан, көнчыгыштан талгын, көньякта көчәючән. Һава температурасы +14,+19° градус тәшкил итәчәк.

Сишәмбе көнне, 13 майда, урыны белән күк күкрәп  кыска вакытлы яңгыр явуы фаразлана. Җил көнчыгыштан, төньяк-көнчыгыштан талгын, күк күкрәп яңгыр яуганда көчәючән. Һава температурасы төнлә +5,+10°, көндез +10,+15°, көньякта +16,+21°.

Чәршәмбе көнне, 14 майда, республиканың кайсыбер районнарында шулай ук күк күкрәп кыска вакытлы яңгырлар явуы көтелә. Җил көнчыгыштан талгын, яңгыр яуганда көчәючән. Һава температурасы төнлә  +6,+11°, көндез +15,+20° градус җылы.

Әлегә яз салкын килә әле, әмма бу әйбәт, миңа калса. Борынгылар  бит "Май салкын булса, ел игенле булыр", дигән. Шуңа күрә көннәрнең салкынча торуын яхшыга юрыйк. 

Чыганак: bashinform.ru