Мортаза Рәхимовка бюст ачылды

Башкортстанда Мортаза Рәхимовка бюст ачканнар.

Кичә, 2 сентябрьдә, Күмертау шәһәренең Мортаза Рәхимов исемендәге 3нче санлы гимназия-интернатында белем көне үтте.

Гимназия капиталь ремонттан соң тантаналы рәвештә ачылды, ди уку йорты директоры Шәйморат Тимербулатов.

Тантаналы линейкада Башкортстанның беренче Президенты Мортаза Рәхимовка бюст ачылган. Әлеге чарада мәртәбәле кунаклар, шәһәр җитәкчелеге вәкилләре, ата-аналар, ветераннар, педагоглар һәм укучылар катнашкан.