Яугирләргә һәм аларның гаиләләренә ярдәм булырга тиеш

Бүген, 29 февральдә, Русия президенты Владимир Путин Федераль Җыелышка Юллама белән мөрәҗәгать итә.

Быелгы Юллама тәү чиратта кешеләрнең көндәлек проблемаларын хәл итүгә юнәлтелә. Һәм, әлбәттә, махсус хәрби операциягә бәйле мәсьәләләр дә төп урынны алды.

Президент махсус хәрби операциядә катнашучыларга ярдәм итү темасына тукталып, “Ватанны саклаучылар” фондының, башка иҗтимагый оешмалар эшен телгә алды.

“Властьның бар органнарыннан да киләчәктә дә безнең геройларның гаиләләренә, әти-әниләренә, хатыннарына, балаларына ярдәм итүләрен сорыйм”, – диде ул.