Республикада «Рәхмәт-2024» акциясенең бишенче тапкыр отыш ияләре ачыкланган

Нәтиҗәдә, 44 кеше җиңүче булды. Процессны Бәйсез комиссия күзәтте. Беренче приз — термопот Туймазы районының ике кешесе кулына эләгәчәк. Уйнатылган робот-тузан суырткычлар Нефтекама, Уфа, Салават, шулай ук Ярмәкәй, Архангельск һәм Кыйгы районнарыннан җиңүчеләргә эләкте, ә планшет Күмертауга юл тотачак. Ноутбукны – Бәләбәй районы вәкиле, ә телевизорны уфалы алачак. Уфа, Күмертау, Салават, Октябрь, шулай ук Белокатай, Мәчетле, Нуриман, Шаран, Бөре, Бакалы, Баймак, Кармаскалы районнары халкы 23 акыллы колонкага ия булды. Смартфон хуҗалары — Уфа, Стәрлетамак, Салават, Стәрлебаш, Уфа, Авыргазы һәм Мишкә районнарыннан җиңүчеләр. Велосипедны Белорет районыннан бәхетле кеше алып китә ала. Отышлы билетлар турындагы мәгълүматны рахмат102.РФ сайтында һәм «Алга-Патриот»социаль челтәрләрендәге битләрдә табарга мөмкин. Оештыручылар QR-билетларны 30 сентябрьгә кадәр сакларга кирәклеген искәртә. Бүген, 8 сентябрьдә, «Призлар төне» старт ала. Җиңүчеләрне Башкортстанның барлык районнары һәм шәһәрләреннән билгеләячәкләр.

Фото: «Рәхмәт» акциясен оештыручылар тәкъдим итте.