Бу юлы бюллетеньнәр ничә телдә булачак?

Алда торган Президент сайлауларында тавыш бирү өчен бюллетеньнәр әзерләү эше ахырына якынлаша.

Русия Үзәк сайлау комиссиясе карарына ярашлы, Башкортстанда 2 994 100 бюллетень әзерләнә. Аларның 17 проценты, ягъни 501 100е, сайлау бюллетеньнәрен эшкәртү комплексларында тавыш бирү өчен тәгаенләнә.

Гадәттәгечә, республикада бюллетеньнәр өч телдә басыла – башкортча, татарча һәм урысча. Башкорт телендә – 358 900 (гомум санның 12 проценты), татар телендә 162 900 (5,5 процент) данә әзерләнә.

Сайлау бюллетеньнәре территориаль сайлау комиссияләренә тапшырыла. Аннары, 2024 елның 13 мартыннан да соңламый, участок сайлау комиссияләренә тапшырылачак.