Өчләтә шатлык: Уфада бер гаиләдә өч игезәк бала туган

Республика клиник перинаталь үзәгеннән өч игезәк: Николь, Полина һәм Левны чыгарганнар. Алар әниләре белән хәзер  өйләрендә.

Сабыйлар 15 июльдә 1400, 1480 һәм 1850 грамм авырлыкта һәм 43, 46 һәм 48 см зурлыкта туган.

Башта алар реанимациядә, аннары яңа туган сабыйлар патологиясе бүлегендә яткан. Үсеп, авырлыклары 2200, 2620 һәм 2800 граммга кадәр җиткәч, чыгарганнар.

Әниләре Оксана бала табу йортында ике ай булган. Әтиләре – махсус хәрби операциядә катнашучы.

Сабыйларга сәламәт, бәхетле һәм пар канатлы булып үсүләрен телибез.