Чыгарылыш укучылары, сак булыгыз!

Апрель ахырында-май башында мәктәп имтиханнары алдыннан үсмерләргә карата мошенник һөҗүмнәренең активлашуы көтелә, дип белдерде РФ Иҗтимагый палатасы әгъзасы Евгений Машаров.

Җәмәгатьче сүзләренә караганда, әлеге вакытта укучылар арадаш аттестацияләр уза, ә алда аларны төп  һәм бердәм дәүләт имтиханнары (ТДИ һәм БДИ) көтә.

“Апрель азагы-май башында мошенникларның үсмерләр аудиториясенә һөҗүмнәрен көтәргә кирәк”, – дигән ул. Белгеч  үсмерләрнең имтиханнарга әзерләнгәндә төрле ресурслар куллануын искә төшерә. Балалар фишинг сылтамалары буенча үтәргә мөмкин.

Машаров ата-аналарга балаларының укулары белән кызыксынырга һәм стрессны җиңүдә булышырга киңәш иткән.

2026 елның беренче кварталында 2025 елның шул ук чоры белән чагыштырганда,  Русиядә җинаятьчеләр ТДИ һәм БДИга әзерлек буенча курслар һәм онлайн-мәктәпләр исеменнән эш иткән инцидентлар саны 41 процентка арткан.

Чыганак: lenta.ru