“Фән һәм технологияләр” беренче Урал металлургия тау сәнәгате форумы узачак

21 һәм 22 апрельдә Уфада “Торатау” Конгресс-холлы мәйданчыгында елның төп тармак вакыйгасы – Воскресенск бакыр эретү заводының 280 еллыгына багышланган “Фән һәм технологияләр” беренче Урал металлургия тау сәнәгате форумы була. Форум дәүләт власте органнары вәкилләре, тармак лидерлары, әйдәп баручы галимнәр, алдынгы технологияләрне эшләүчеләр һәм яшь белгечләр арасында диалог өчен уникаль мәйданчык булачак. Аның максаты – индустриаль мирасның ныклы нигезенә таянып һәм инновацион чишелешләр кертеп, индустриянең тотрыклы үсешен тәэмин итү.

Башкортстан соңгы елларда сәнәгать сәясәтен гамәлгә ашыруда нәтиҗәлелек федераль рейтингында алдынгы урыннарда тора.

"Бүген тау-металлургия тармагы алдында амбициоз бурычлар тора –җитештерү процессларын технологик яңартудан алып югары квалификацияле кадрларны системалы әзерләүгә кадәр. Ышанам ки, алда торган форум инновацион чишелешләр эшләү, тәҗрибә уртаклашу һәм якын киләчәктә тау-металлургия тармагын үстерүнең төп юнәлешләрен билгеләү өчен нәтиҗәле мәйданчык булачак. Бу чараның төбәгебезнең бай сәнәгать мирасын гәүдәләндерүче мәдәни мирас объекты – Воскресенск бакыр эретү заводының 280 еллыгына багышлануы символик мәгънәгә ия", – дип билгеләп үтте БР Хөкүмәте Премьер – министры урынбасары – Башкортстан Республикасы сәнәгать, энергетика һәм инновацияләр министры Александр Шельдяев.

 Чыганак: pravitelstvorb.ru