“Башкортстаннан сөю белән” акциясенең икенче этабы старт ала

Республика Хөкүмәте студентларга адреслы ярдәм күрсәтүгә юнәлдерелгән “Башкортстаннан сөю белән” масштаблы проектының дәвамы турында хәбәр итә.

2026 елның 18-28 февралендә Мәскәүнең югары уку йортларында укучы студентлар һәм аспирантлар өчен посылкалар китерү оештырылачак. Икенче этап кысаларында 6 тонна йөк – республиканың төп шәһәрләре һәм районнарын — Учалы һәм Сибайдан алып Нефтекама һәм Октябрьскийга кадәр колачлаган ике логистик маршрут буенча 200 шәхси посылка  китерү планлаштырыла. Мәскәүдә алты тапшыру ноктасы ачылачак.

Акциядә катнашу бары тик clck.ru/3Rh8Vn сылтамасы буенча теркәлгәннән соң гына мөмкин. Проект яшьләрнең туган төбәкләре белән элемтәләрен ныгытуга һәм укучыларның гаиләләренә реаль ярдәм күрсәтүгә юнәлдерелгән.

Чыганак: "Молодежная газета"