Тиздән паспортның кирәге дә калмас, ахры...

Якын арада кибетләрдә, кинотеатрларда һәм музейларда кеше үзенең шәхесен QR-код ярдәмендә раслый алачак.

РФнең Икътисади үсеш министрлыгы мәгълүматы буенча, русиялеләр  “Госуслуги” кушымтасындагы “Госдоки” сервисыннан шәхесне идентификациләү өчен паспорт белән беррәттән QR-кодны   куллана алачак. Шул ук вакытта QR-кодны куллану тулысынча ирекле.

“Беренче этапта QR-кодны кино яисә музейларда яшь чикләве булган чараларга кергәндә, кибетләрдә 18+ товарлар сатып алганда  кулланып булачак”, – диелә хәбәрдә.

Ведомствода арытаба QR-кодны куллану даирәсен киңәйтергә планлаштырыла, шул исәптә финанс базарларын оештырганда һәм МФЦларда дәүләт хезмәтләрен алыр өчен куллануны кертеп. 

Чыганак: lenta.ru