Самокат өчен штрафлар 3 тапкырга арта

Кайсыбер кикшеринг  (Кикшеринг – электр самокатларын кыска вакытлы арендалау системасы) операторлары электр самокатларын балигъ булмаганнар кулланган очракта штрафларны өч тапкырга арттырган. Бу хакта русиялеләрне хокукчы Максим Тишаков кисәткән.

“Электр самокатларын  прокатка бирүче коммерция оешмалары килешүләрдә 16 яше тулмаганнарга идарә итүне яисә самокат белән куллануны 16 яше тулмаганнарга (кайсыбер төбәкләрдә 18 яше тулмаганнарга) тапшыруны тыя”, – дип искә төшерде эксперт.

Аның сүзләренчә, балалар еш кына юл йөрү кагыйдәләрен инкарь итә, бу исә  күңелсез нәтиҗәләргә китерә. Кайсыбер сервислар штрафларны 10нан алып 30 мең сумга кадәр күтәргән. Ә Мәскәүдә мондый штрафлар инде 100 мең сум тәшкил итә.

Моңа кадәр Русиядә электр самокатларын парковкалауга чикләүләр кертергә тәкъдим иттеләр. Ягъни тротуарларда, җәяүлеләр һәм велосипед юлларында, шулай ук җәяүлеләр зоналарында, тиешле билгеләр яки юл билгеләре куелган урыннардан тыш, тукталышларны тыю тәкъдим ителә.

Чыганак: lenta.ru