Сәнәгать предприятиеләрендә эшләүче хатын-кызларның төбәкара съезды узачак

1 мартта Уфаның Профсоюзлар йортында сәнәгать предприятиеләрендә эшләүче хатын-кызларның VII төбәкара съезды узачак, анда 300дән артык катнашучы җыелачак. Алар арасында –оборона һәм авиация тармагы, автомобиль һәм авыл хуҗалыгы машина төзелеше хезмәткәрләре, шул исәптән якыннары МХО  зонасында булган хатын-кызлар.

Катнашучыларның географиясе гаять киң:  Башкортстан, Удмуртия, Мәскәү, Владимир һәм Ленинград өлкәләре. Оештыручы булып гадәттәгечә Ирина Исламова җитәкчелегендәге сәнәгать хезмәткәрләре профсоюзының республика оешмасы (Роспрофпром) тора.

Башкортстан сәнәгате профсоюзы лидеры Ирина Исламова билгеләп үткәнчә, бу форум хатын-кызлар иҗтимагый-сәяси өлкәдә трендка әйләнгәнче үк барлыкка килгән. Аның төп максаты – сәнәгать предприятиеләрендә эшләүче хатын-кызлар актуаль мәсьәләләр турында фикер алыша, яңа компетенцияләргә өйрәнә, ярдәм ала һәм көндәлек мәшәкатьләрдән ял итә ала торган киңлек булдыру.

Төрле елларда катнашучыларны финанс грамоталылыгына, гаилә психологиясенә, хезмәт хокукларын яклауга, стресс белән идарә итүгә, сәламәтлекне һәм яшьлекне сакларга өйрәттеләр. Быел төп темалар – хезмәт хокуклары һәм хезмәткәрләрнең сәламәтлеген саклау.

Съездда ике дискуссия мәйданчыгы оештырылачак:

- “Канун. Хокук. Гарантияләр. Хатын-кыз карашы”,

" Профсоюз Сәламәтлек ӨЧЕН".

Дискуссияләрдән тыш, иң яхшы профсоюз активисткаларын бүләкләү, күргәзмә-сату, мастер-класслар планлаштырылган. Катнашучылар шулай ук "Хатын-кызга багышлана" комлы шоуда һәм Уфа музейлары буйлап экскурсияләрдә катнаша алачак.

Чыганак: mgazeta.com